Doaibmat oassálastin iežas eallimis
Go mun lahkonan du, geahčan dutnje, moddján ja geigen iežan gurot gieđa, de dat mearkkaša ahte mun háliidan du váldit mu gieđa ja leat fárrolagaid muinna.
– Lukas, 14 jagi
Manne KnowMe?
Veahkkeneavvu KnowMe lea hábmejuvvon buot ahkásaččaide geain ii leat verbála giella dahje geain lea ráddjejuvvon gulahallan. Buohkain lea vuoigatvuohta áddet ja áddejuvvot. Sáhka lea árvvolašvuođas ja olmmošlašvuođas, vuoigatvuođas beassat gullat searvevuhtii ja dahkat iežas válljemiid.
Min ulbmiljoavkun leat olbmot geain eai leat dahje leat uhccán eavttut oahppat geavahit eará ásahuvvon ASK-veahkkeneavvuid. Danne leat lagasolbmot dehálaččat, dat mii fágagillii gohčoduvvo guoibmevuhtii gullevaš gulahallan. Don ja earát geat veahkehit olbmo fertebehtet geavahit áiggi geahččat, árvvoštallat, dulkot ja oažžut dovddahemiid olámuddui KnowMe veahkkenevvui vai son oidno ja áddejuvvo juohke beaivvi.
Buoremus vejolašvuohta lihkostuvvat veahkkeneavvuin lea go nagodat movttiidahttit olles fierpmádaga. Sáhttá leat gáibideaddjin ásahit buori birrasa mas buohkat leat mielde bargamin seamma áigumušain.
KnowMe fuolaha giela olles eallima.
3 áppa – okta vuogádat
Dahkan dihtii KnowMe heivehanvejolažžan ja geavaheaddjiláđisin leat mii válljen juohkit doaimmaid golmma áppii. Áppat doibmet ovttas ja dain leat iešguđet doaimmat nu ahte don dárbbašat buot golmma. Lukasa gulahallan áddeha dutnje mo áppat doibmet ovttas:
Observer
Lukas (13) čoalkkuha beavdái go lea gallánan. Čoalkkuheapmi orui sahtedohko álggos, muhto juohke háve go veahkkebargi válddii eret borramuša, de heittii Lukas čoalkkuheames. Veahkkebargi oinnii minstara maid son háliidii geahčadit lagabui
Veahkkebargi geavahii Observer-áppa filbmet dovddaheami ja filbma sáddejuvvo njuolgga Creator Mediarádjui.
Observer – čohkken dihtii
Creator
Filbma Lukasa birra gii čoalkkuha beavdái, rahppo Creatoris. Váhnemat, veahkkebargit, pedagogat ja eará lagasolbmot dutket ja dulkojit dovddaheami áppa videoanalysareaiddus. Sii sohpet das maid dovddaheapmi sáhttá mearkkašit ja mo dasa berre dávistit. Dovddaheapmi, dulkon ja dávástus vurkejuvvo KnowMe vuogádahkii ja almmuhuvvo Companionii.
Creator – gieđahallamii
Companion
Lukasa boraha veahkkebargi gii ii dovdda su. Lukas čoalkkuha beavdái. Veahkkebargi ohcá láhttema Companionas ja gávdná dovddaheami, dulkoma ja dávástusa. Veahkkebargi geardduha bagadusa, váldá eret borramuša ja loahpaha boradeami. Dál čoalkkuha Lukas beavdái juohke háve go son lea gallánan ja buohkat geat veahkehit su, dávistit seamma láhkai.
Dus lea Companion álo mielde. Lassin listii mii čájeha iešguđet dovddahemiid, leat áppas máŋga artihkkala mat oahpásmahttet olbmo, beaivegirje-doaibma ja dieđut rutiinnaid, doaimmaid ja beroštusaid birra mat olbmos leat. Dát dieđut leat dehálaččat dasa ahte bidjat dovddahemiid olbmo iešguđet oktavuođaide eallimis.
Companion – geavaheami várás
Maid beasat oaidnit?
KnowMe lágiduvvo dievaslaš ja válbmejuvvon čoavddusin mašiidnagálvvuin, prográmmagálvvuiguin ja balvavurkemiin. Liseansaáigodat bistá 3 jagi, ja don oaččut:
- KnowMe-liseanssa mearehis ollu geavaheddjiide
- Nuvttá prográmmagálvoođasmahttimiid
- iPad (64 GB) – geavahuvvo gulahallanlávdin
- Suodjegokčasa ja oalgelávžži
- Mearehis vurkenvejolašvuođa KnowMe Cloudii
- Mearehis teknihkalaš doarjaga
- KnowMe Assist – 10 diimmu teknihkalaš oahpahusa (neahttavuđot)
- Sierra bagadeaddji (neahttavuđot)
KnowMe lea gulahallanveahkkeneavvu ja don sáhtát ieš sáddet ohcama iežat regionála NAV Veahkkeneavvoguovddážii.
Mii veahkehit du oppa áiggi
Mii geat bargat KnowMe veahkkeneavvuin beaivválaččat leat veahkkin dutnje. Go don oaččut veahkkeneavvu mis, de mii leat geatnegahtton addit dutnje ja du fierpmádahkii rivttes oahpahusa ja buriid rávvagiid barggus. Dán konseaptta mii gohčodit KnowMe Assist ja dan doaimmaha persovnnalaš bagadeaddji gean dii oažžubehtet oktanaga veahkkeneavvuin. Earret Assist-diimmuid mat leat vuođđopáhkas, sáhtát ohcat eanet diimmuid dárbbu mielde, vai don ja fierpmádat oažžubehtet jeavddalaš fágalaš ja teknihkalaš oahpahusa olles veahkkeneavvu bistináiggis.
KnowMe Assist sáhtát earret eará geavahit dáid oktavuođain:
- Álggaheapmi ja “álgin” veahkki
- Fierpmádaga ođđa lagasolbmuid oahpaheapmi
- Ođđa fierpmádaga oahpaheapmi eallinrasttidemiin
- Veahkki bargui videoanalysain ja sisdoaluin
- Organiserema, strategiija ja ulbmilásaheami mudden
- Dárbu movttiidahtit lagasolbmuid eanet
Du bagadeaddjis leat ollu vásáhusat, buorre ASK-fágalaš duogáš ja son háhká dađistaga ođđa máhtu KnowMe ja “best practice”-prinsihpaid birra. Sii veahkehit du fuobmát goas don dárbbašat eanet KnowMe Assist-diimmuid.
Mun boagustan hui ollu ja lean mášoheapme go lean váiban ja dárbbašan bosiheami. Muhtumat áddejit dan, muhtumat geat veahkehit mu navdet mus lea somá, earát fas navdet mun lean darvvihan juoidá čoddagii. In nagot čilget dan, mun lean áibbas sorjavaš das ahte don máhtát dulkot mu dovddahemiid riekta.
– Amalie 14 jagi
Árgabeaivvis
Mo sáhttá KnowMe rievdadit daid olbmuid árgabeaivvi geain ii leat verbála giella – ja sin árgabeaivvi geain lea gaskavuohta sutnje?
Eanet diehtomielalašvuohta
Eanet diehtomielalašvuohta KnowMe bidjá vuođđun daid dovddahemiid maid olmmoš geavaha jo. Ii gáibiduvvo ahte olmmoš oahppá veahkkeneavvu. Sii gulahallet nu mo lea lunddolaš sidjiide, ja mii birrasis oahppat sin dovddahemiid.
Go barggat olbmuid dovddahemiiguin applikašuvnnas, de šattat eanet diehtomielalaš, suokkardeaddji ja sáhkkii das mo son gulahallá. Ja olbmuid dávástus šaddá eanet seammalágan ja vuorddehahtti.
Oahpásmuvat johtileappot
Don gii it dovdda olbmo nu bures, oaččut beaktilat veahkkeneavvu «oahpásmuva»-muttus. Don oaččut ollu dieđuid smávva filbmabihtážiin. Dat álkidahttá sirdašuvvandilálašvuođain nu go mánáidgárddis skuvlii dahje bargiid lonuheami oktavuođas go giella lea kártejuvvon ja vurkejuvvon.
KnowMe heive sidjiide geain lea rumašdovddaheapmi gulahallanvuohkin ii ge leat mihkkege “vuolimus rádjá” das gii dan sáhttá geavahit áddehallamii iežas árgabeaivvis.
Muhto mo oažžut áiggi?
Várra geavahat jo ollu áiggi dárkomiidda beaivválaččat. Muhtun áššiid čálát báhpárii, muhtun oassi biddjo “oahpásmuva munnje”-perbmii, ollu láhppo ii ge dan sáhte ođđasis geavahit ja muhtun oassi báhcá duođaškeahttá – maid mii gohčodit jávohis máhttun.
KnowMe veahkkeneavvuin eai láhppo dárkomat ii ge du bargu. Olbmo fierpmádat gesso sisa bargui. Ehpet dárbbaš lasihit ollu dovddahemiid – buoret lea ahte barggus lea kvalitehta go ahte das lea kvantitehta go deavdibehtet dovddahanbáŋkku. Ollugat geavahit KnowMe ja das leat eahpitkeahttá positiiva váikkuhusat dan olbmui geasa veahkkeneavvu gullá ja gii lea sorjavaš dus ja du barggus.
It várra ádde galle iešguđet vuogádagaid mii leat geahččalan, ja galle diimmu mii leat geavahan áššiide mat eai dattetge doaibman, dan sivas go Amalie “ii heive” dasa, dahje “ii nagot”. Mii leat hui ilus go viimmat leat gávdnan reaiddu mii duođaid ollašuhttá vuordámušaid ja maid mii sáhttit heivehit iežamet niidii.
– Amalie, 14 jagi, váhnemat