Geavaheaddjišiehtadusa

Áigumuš dáinna geavaheaddjišiehtadusain lea sihkkarastit du ja du vuoigatvuođaid prográmmagálvvu KnowMe loahppageavaheaddjin, ja min lágideaddjin. Loga fal šiehtadusa dárkilit.
  1. Šiehtadusdieđut

Dát šiehtadus (dán rájes gohčoduvvon “Šiehtadus”) guoská prográmmagálvvu KnowMe loahppageavaheaddjilisensii (Observer, Creator ja Companion), ja gullevaš mašiidnagálvvuide (ovttadathálddašuvvon iPad WIFI 64 GB, govččas ja guoddinlávži), balvabálvalussii ja vuođđodáhtaide Lifetools AS:s, dán rájes gohčoduvvon «Buvtta«. Šiehtadus lea rievttálaččat čadni šiehtadus gaskal du (fysalaš dahje juridihkalaš olmmoš) loahppageavaheaddjin (dán rájes gohčoduvvon «Geavaheaddji«) ja Lifetools AS (dán rájes gohčoduvvon «Buvttadeaddji«). NAV veahkkeneavvoguovddáš (dán rájes gohčoduvvon «NAV«) mii lágida Buktaga Geavaheaddjái.

Go fakkastat “lean lohkan ja dohkkehan” bovssa go ásahat konto prográmmagálvui KnowMe, de don duođaštat ahte buot dieđut leat rivttes ja ollislaš dieđut, ja ahte don dohkkehat Šiehtadusa ja Buvttadeaddji luhtolašvuođašiehtadusa.

  1. Rievdadusat Šiehtadussii

Buvttadeaddji sáhttá goas beare rievdadit dán Šiehtadusa. Buot rievdadusat dieđihuvvojit NAV:i ja Geavaheaddjái, ja jus Geavaheaddji joatká geavahit Buktaga maŋŋágo rievdadusat leat dieđihuvvon, de dat mearkkaša ahte son lea automáhtalaččat dohkkehan Šiehtadusa rievdadusaid.

  1. Liseansa geavahit Buktaga

Buot immateriála vuoigatvuođat Buktagii gullet Buvttadeaddjái. Go Šiehtadus dahkkojuvvo, de oažžu Geavaheaddji liseanssa geavahit Buktaga daid eavttuid vuođul mat bohtet ovdan dán Šiehtadusas. Liseansa addá ráddjejuvvon hálddašanvuoigatvuođa, ja galgá doahttalit daid gáržžádusaid mat bohtet ovdan boahtte čuoggás. Viidáseappot lea liseansa persovnnalaš Geavaheaddjái, ii ge Geavaheaddji sáhte dan addit dahje viidáseappot lisensieret earáide. Liseansa lea áigeráddjejuvvon nu mo čilgejuvvon vuolábealde 7. čuoggás.

  1. Gáržžádusat geavaheamis

Go dahká Šiehtadusa, de dohkkeha Geavaheaddji ahte ii áiggo:

  • máŋget Buktaga dahje osiid Buktagis
  • vuovdit dahje gaskkustit dieđuid Buktaga birra (dás máŋgema oktavuođas) dahje dán
  • Šiehtadusa birra almmuhit iežas beassansáni vierrásiidda dahje geavahit earáid geavaheaddjinama ja beassansáni geahččalit dahkat iežas čovdosiid
  • Buktaga vuođul rievdadit dahje garvit doaimmaid ja ráddjehusaid
  • Buktagis geavahit dahje boastut geavahit
  • Buktaga dainna lágiin ahte dat sáhttá vahágahttit Buvttadeaddji dahje rihkkut gustovaš lágaid
  1. Dáhtanávccaid geavaheapmi

Geavaheaddji dohkkeha ahte Buvtta geavaha dáhtanávccaid ja infrastruktuvrra dáhtagulahallamii. Buvttadeaddjis ii leat ovddasvástádus meattáhusain dahje váilevašvuođain mat sáhttet čuožžilit meattáhusaid geažil goalmmátbeliid dáhtareaidduin, ovdamearkka dihtii govdabáddelinnjáin.

  1. Áššehasdoarjja

Buot gažaldagaid áššehasdoarjaga birra galgá lágidit Buvttadeaddjái

 

  1. Bistu ja eretcealkin

Šiehtadus boahtá fápmui go Geavaheaddji coahkkala “mun dohkkehan”-boksii registrerenproseassas. Šiehtadus gusto dalle 3 jagi ja ođasmahttojuvvo automáhtalaččat jus Geavaheaddji (vejolaččat NAV Geavaheaddji bealis) ii dan cealkke eret. Dakkár eretcealkima galgá dieđihit čálalaččat Buvttadeaddjái maŋimusat mánu ovdalgo Šiehtadus loahppá. Buvttadeaddji sáhttá goas beare loahpahit Šiehtadusa go dan háliida, dás maiddái, muhto ii dušše dalle, go váruha ahte Šiehtadusa 4. čuokkis lea rihkkojuvvon.

  1. Geavaheaddji ovddasvástádus

Buot Buktaga geavaheapmi dáhpáhuvvá Geavaheaddji iežas riskkain. Buvtta ovddiduvvo joatkevaččat veahkehan dihtii Geavaheaddji, muhto Buvttadeaddjái ii galgga mange láhkai biddjot ovddasvástádus dahje buhtadusgeatnegasvuohta mange lágan dáhpáhusaid geažil maidda Geavaheaddji lea sivalaš. Buvttadeaddji dahká maiddái buot maid sáhttá vai Buvtta lea olámuttus oppa áiggi, muhto ii atte makkárge dáhkádusaid ovdamearkka dihtii meattáhusaid geažil serveris dahje dáhtalinnjáid boatkanemiin. Jus Geavaheaddjis dattetge lea vuođđu buhtadusgáibádussii Buvttadeaddjis, de galgá juohke gaskkalaš ekonomalaš massin doalahuvvot olggobeallái, ja aggregerejuvvon buhtadus mii guoská Šiehtadussii, ii galgga leat eanet go NOK 5000.

Buvttadeaddji sáhttá doalahit Geavaheaddji buhtadusovddasvástideaddjin go Geavaheaddji rihkku dán Šiehtadusa.

  1. Ođasmahttimat

Buvttadeaddji doalada vuoigatvuođa sáhttit ođasmahttit Buktaga go dat heive Buvttadeaddjái almmá ovddalgihtii dieđihemiin Geavaheaddjái.

  1. Dáhtásihkkarvuohta

Geavaheaddji addá Buvttadeaddjái lobi čohkket ja geavahit dakkár dieđuid Geavaheaddji birra mat dárbbašuvvojit dasa vai Buvtta galgá ollašuhttit jurddašuvvon doaimma.

  1. Šiehtadusa sirdin

Buvttadeaddjis lea friijavuohta sirdit Šiehtadusa, ovdamearkka dihtii ođđa eaiggádii fitnodaga vuovdima oktavuođas. Geavaheaddji ii sáhte sirdit Šiehtadusa earáide, dás maiddái ođđa Geavaheaddjái.

  1. Gustojeaddji lágat ja vejolaš šiehtadallamat

Šiehtadus doaibmá Norgga lágaid olis, ja vejolaš soahpameahttunvuođaid dán Šiehtadusa oktavuođas galgá Kongsberga diggegoddi meannudit.

Fámus miessemánu 2021 rájes.